Məlumat

Kritik vəziyyətlərdə təcili tibbi yardımlar, təcrübə və yeniliklər 2025 adlı kursumuz həkimlər və digər tibb işçiləri üçün nəzərdə tutulmuşdur. Tibbi təhsili olmayanlar üçün deyil. 

Qeyd: Bütün dərslər daim yenilənir, ən son protokollara uyğundur. 

12 online leksiya və 2 praktik dərs planlaşdırılır.

Online dərslər 1,3,5 ci günlər, saat 21:00 da başlayacaq. Zoom üzərindən keçiriləcək, hər dərsin davametmə müddəti təxmini 2 saatdır.

Praktik dərslər isə 25 May (bazar günü), saat 10:00-15:00 arası Akademik Zərifə Əliyeva adına Milli Oftalmologiya Mərkəzində keçiriləcək.

Kursu bitirənlərə rəsmi sertifikat və Səhiyyə Nazirliyi tərəfindən yüksək DTT kredit balı verilir. 

Dərs planı aşağıda:

Kursun müddəti: 07.05.2025 - 27.05.2025

Mayın 7 si, saat 21:00 da ilk dərs olacaq.

Online dərslərdə  müzakirə olunması planlaşdırılan mövzular:

* Dərman allergiyaları, anafilaktik şok, ilkin və təkmil yardımlar, hipersensitivliyin digər növləri. 

* Dərman zəhərlənmələri, toksidromlar, ilkin və təkmil yardımlar. 

* Ürəyin işemik xəstəlikləri, EKG diaqnostika, kəskin miokard infarktı, kardiogen şok, ilkin yardım, reanimasiyada müalicə, proqnozun təyini. 

* Arterial hipertenziya, ən son müalicə protokolu, hipertenziv təcililik-kriz, hipertenziv zərurilik, antihipertenziv dərmanların farmakologiyası, müxtəlif yanaşı xəstəliklərə uyğun antihipertenziv dərman kombinasiyasının seçilməsi. 

* Kəskin sol mədəcik çatışmazlığı, kardiogen ağciyər ödemi, ilkin və təkmil yardımlar.

* Bronxial astma, spirometriya və floumetriya, astmatik status, xronik obstruktiv ağciyər xəstəliyinin kəskinləşməsi, ilkin və təkmil müalicə. 

* Sinkop növləri, səbəblərin differensial diaqnostikası, ilkin yardım, spesifik müalicə. 

* Qıcolmalar, ilkin yardım, səbəblərin differensial diaqnostikası, spesifik müalicə. 

* Üst və alt mədə-bağırsaq qanaxmaları, ilkin yardım, diaqnostika, differensial diaqnostika və müalicə.

* Hipovolemik (travmatik, yanıq, hemorragik) şok, ilkin yardım, şok əleyhinə müalicə, qan və qan preparatları, qan köçürmə. 

* Naməlum etiologiyalı koma, səbəbin tapılması, ilkin yardım.

* İşemik insult, ilkin yardım və təkmil müalicə. 

* Hemorragik insult, növləri, ilkin yardım və müalicə. 

* Hiperkaliemiya, səbəbin tapılması, təcili və tədricən müalicənin xüsusiyyətləri. 

* Endokrin səbəbli kritik vəziyyətlər, hiperglikemik və hipoglikemik komalar, tirotoksik kriz, miksedema koması, adrenal kriz, ilkin yardım və müalicə. 

* PRAKTİK DƏRS : 25 May -bazar günü mərkəzimizdə, saat 10:00-15:00- 

Ürək ağciyər reanimasiyası, təməl həyat dəstəyi, təkmil həyat dəstəyi, mulyajlar üzərində tibbi təlim, traxeyanın intubasiyası, LMA kritik hallarda tətbiqi, defibrillyatorlar, defibrillyasiya və elektrik kardioversiyaya göstərişlər, simulyator üzərində təlim. (Müddət 5 saat) 

Praktik dərslər arasında nahar fasiləsi olacaq. Həmin gün sertifikatlar da təqdim ediləcək.